Ernesto Valverde qëndron pushim prej 13 janarit të këtij viti, datë kur u shkarkua nga drejtuesit e Barcelonës. Trajneri spanjoll fitoi dy tituj kampionë, një Kupë Spanje dhe një Superkupë si trajner i skuadrës katalanase.
Emri i tij është rikthyer në modë dhe mund të rikthehet në La Liga. Onda Cero raporton se 56-vjeçari pëlqehet shumë nga Valencia. Skuadra e njohur spanjolle, po kalon një moment të vështirë dhe ka marrë vetëm 5 pikë në 6 ndeshjet e fundit në kampionat.
Humbja e fundit 2-0 në fushën e Villareal, mund të jetë fatale për Albert Celades. Drejtuesit e Valencias e pëlqejnë shumë Valverden dhe ai është kandidati kryesor për t’u ulur në pankinën e skuadrës së tyre. /abcnews.al
