Një 48 vjeçar nga Gjirokastra është vënë në prangat e policisë për dhunë ndaj bashkëshortes.
“Specialistët e Seksionit për Hetimin e Krimeve të Komisariatit të Policisë Gjirokastër arrestuan në flagrancë shtetasin J. B., 48 vjeç, banues në Gjirokastër, pasi ka ushtruar dhunë ndaj ish-bashkëshortes së tij.”, njofton policia.
Po ashtu është policia referoi në prokurori materialet për veprën penale “Shkatërrimi i pronës me zjarr”, pasi në afërsi të fshatit Picar është djegur një sipërfaqe toke. Në kërkim janë autorët.
“Po nga këto struktura u referuan materialet në Prokurori, për veprën penale “Shkatërrimi i pronës me zjarr”, pasi në vendin e quajtur “Korie e fshatit”, në afërsi të fshatit Picar, është djegur një sipërfaqe toke. Vijon puna për identifikimin dhe vënien e autorit/ëve përpara përgjegjësive ligjore.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.”, thotë policia./abcnews.al
