Loading ...
Ushtria ukrainase tha se po bën përparim në frontin jugor dhe se ka kryer operacione sulmuese efektive. Valerii Shershen, një zëdhënës i forcave në jug, tha se rusët ishin detyruar të “tërheqin rezervat si rezultat i sulmit nga njësitë tona të goditjes”, raporton CNN.
Zyrtarët ukrainas e kanë bërë të qartë se minimizimi i humbjeve është prioriteti i tyre teksa përpiqen të shkatërrojnë mbrojtjen komplekse ruse të zhvilluara gjatë një periudhe disa mujore. Në lindje, sulmet ruse vazhdojnë rreth Marinka dhe Avdiivka, tha Shershen.
“Ne po luftojmë dhe po mbajmë terrenin tonë. Gjatë ditës së fundit këtu janë zhvilluar 18 angazhime luftarake, shumica në zonën e Marinkës”. Ai pretendoi se 74 trupa ruse u vranë, 85 u plagosën dhe 19 u dorëzuan./abcnews.al
