Ushtria ukrainase ka dhënë një deklaratë mbi shpërthimet që tronditën Kievin perëndimor në orët e para të mëngjesit të së shtunës. Shërbimi Ushtarak i Zbatimit të Ligjit të Ukrainës tha se ushtria ukrainase “shkatërroi një kolonë pajisjesh të pushtuesve” në distriktin Beresteiska në Kiev raporton “CNN”.
“Sipas informacioneve paraprake bëhet fjalë për 2 vetura, 2 kamionë me municion, si dhe me ndihmën e raketave antitank NLAW është shkatërruar një tank armik,” tha shërbimi. Mbretëria e Bashkuar furnizoi Ukrainën me raketa antitank NLAW në javët përpara se Rusia të pushtonte. / abcnews.al
