Një oficer i lartë në ushtrinë ukrainase tha se luftimet e ashpra vazhdojnë në qytetin Severodonetsk në rajonin e Luhansk.
Në një konferencë për shtyp në Kiev, Oleksii Hromov, nënkryetari i Drejtorisë së Operacioneve të Shtabit të Përgjithshëm, tha se “Për momentin, trupat tona, të cilat janë të angazhuara në mbrojtjen e Severodonetsk, nuk do të tërhiqen. Njësitë do të kryejnë detyra me të gjitha forcat dhe mjetet në dispozicion, me burimet në dispozicion”.
Hromov pranoi se ekziston rreziku që Severodonetsk të bjerë në duart e armikut rus. “Në rast të marrjes së Severodonetsk, ne do të detyrohemi të mbrohemi përgjatë bregut të lumit dhe gjithashtu do të luftojmë nga zonat urbane”. Lumi Siverskiy Donets rrjedh afër Severodonetsk, duke e ndarë atë nga qyteti i afërt i Lysychansk.
“Armiku po përpiqet të rrethojë trupat tona”, tha Hromov. “Të gjitha aktivitetet, të gjitha veprimet e kryera si nga personeli ushtarak, ashtu edhe nga njësitë në tërësi, konsistojnë në zbatimin e një plani të vetëm. Në këtë kohë, në planet e komandës, nuk ka nevojë për repartet tona ushtarake”.
/abcnews.al
