Ushtria ukrainase ka njoftuar se ka bllokuar dy rrugët kryesore nga të cilat forcat ruse mund të përparojnë drejt Kievit.
Zëvendës Shefi i Ushtrisë ukrainase, Oleksandr Hruzevych, bëri me dije se forcat ruse në të dy anët e lumit Dnipro, që ndan qytetin nga veriu në jug, janë bllokuar.
“Nga sot, armiku është ndalur në një distancë prej gati 70 kilometrash (rreth 43 milje) nga bregu i djathtë i qytetit, gjë që e bën të pamundur kryerjen e zjarrit, përveç goditjes me raketa. Në bregun e majtë, përparimi gjithashtu është ndalur. Armiku në mënyrë cinike po gjuan objektet tona të infrastrukturës. Por]mënyrat kryesore të sulmit janë të bllokuara, “tha ai të premten.
Forcat ruse kishin braktisur veprimet sulmuese rreth Brovary në verilindje të Kievit dhe Boryspil në juglindje, tha Hruzevych. Pas krijimit të dy linjave të mbrojtjes për të mbrojtur kryeqytetin, Hruzevych tha se ushtria e Ukrainës tani “po punonte për forcimin e një linje të tretë, të largët të mbrojtjes”.
Duke adresuar kërcënimin e paraqitur nga raketat e lundrimit, gjenerali i brigadës tha se një sistem i mbrojtjes ajrore ishte ende në funksion rreth Kievit, por pranoi se raketat e kapura mbi qytet ende përbënin një kërcënim.
/Abcnews.al/
