Ushtria ukrainase deklaron se ka nisur një kundërsulm ndaj forcave ruse në jug dhe ka pretenduar përparime të konsiderueshme në drejtim të Khersonit.
Serhii Hlan, deputet i cili është pjesë e këshillit të rajonit Kherson, tha se forcat ukrainase “vazhduan operacionet sulmuese dhe e shtynë armikun 9 kilometra prapa në distriktin Beryslav”.
Hlan pohoi gjithashtu se njësitë ukrainase “thyen grupimin e armikut në dy pjesë dhe në fakt rrethuan grupimin armik në Davidiv Brid”.
Davidiv Brid ishte vijë e frontit për javë të tëra dhe u bë një rrugë shpëtimi për civilët që përpiqeshin të largoheshin nga Kherson.
Ushtria ukrainase publikoi video të sulmeve të artilerisë, që supozohet kundër pozicioneve ruse. Ushtria shkroi në Facebook se lufta e artilerisë vazhdon.
“Ushtarët ukrainas ndjekin dhe djegin pajisjet e pushtuesve në tokat e rajoneve Kherson dhe Mykolaiv. Kherson duro, jemi afër!” /abcnews.al
