Presidenti i SHBA Joe Biden shprehu shqetësimin të premten për lajmin se një amerikan, Willy Joseph Cancel, u vra ndërsa luftonte përkrah forcave ukrainase.
“Është shumë e trishtueshme. Ai la një fëmijë të vogël pas,” u tha Biden gazetarëve në Shtëpinë e Bardhë ndërsa ishte duke pritur një takim.
Sekretarja e shtypit e Shtëpisë së Bardhë Jen Psaki më herët të premten i ofroi ngushëllime familjes së Cancel dhe tha se qeveria amerikane nuk e kishte konfirmuar zyrtarisht vdekjen e tij, duke paralajmëruar amerikanët që të mos udhëtojnë në Ukrainë për çfarëdo arsye.
Cancel u vra të hënën duke luftuar përkrah forcave ukrainase, konfirmuan për CNN anëtarët e familjes së Cancel. 22-vjeçari po punonte me një kompani private kontraktuese ushtarake kur u vra më 25 prill.
/Abcnews.al/
