Ka shumë gjëra që mund t’ju ndihmojnë të ushtroni trurin tuaj dhe ta mbani atë të shëndetshëm, por dieta gjithashtu luan një rol vendimtar në zvogëlimin e rrezikut të zhvillimit të demencës dhe sëmundjes Alzheimer. Një studim i fundit tregoi se një dietë specifike, e quajtur dieta MIND, mund të zvogëlojë rrezikun e këtyre sëmundjeve. Plani i ushqyerjes duhet të pëmbajë këto ushqime:
- Manaferra
Manaferrat janë të pasur me flavonoide, të cilat janë shumë të dobishme për trurin tonë. Gjatë një studimi 20-vjeçar me mijëra njerëz që konsumonin fruta të ndryshme, studiuesit zbuluan se ata që hanin kryesisht manaferrat kishin normat më të ngadalta të rënies së kujtesës. Kështu që shtoni këtë frut dhe truri juaj do t’ju falenderojë më vonë.
- Zarzavate
Perimet janë të mira për shëndetin tonë mendor, për shkak të lëndëve ushqyese si folati, flavonoidet, vitamina E dhe karotenoidet. Perimet me gjethe jeshile si spinaqi, lakrat, marule etj janë opsionet më të mira dhe është treguar se ulin shkallën e plakjes së trurit. Pra, mos harroni të përfshini një sallatë me vaktin tuaj.
- Arrat
Në vend të ëmbëlsirave të përpunuara, zgjidhni një grusht arra të papërpunuara ose të pjekura, të cilat përmbajnë shumë vitaminë E që ndihmon trurin tonë të funksionojë. Për shkak të përbërjeve të tyre, yndyrnave të shëndetshme, fibrave dhe antioksidantëve, ato ndihmojnë në shëndetin tonë të përgjithshëm.
- Vaj ulliri
Nëse dini disa gjëra për dietën mesdhetare, atëherë e dini që vaji i ullirit është aleati numër një për një vakt të mirë dhe të shëndetshëm. Mjekët këshillojnë të kufizoni çdo vaj ose gjalpë tjetër dhe të përfshini vajin e ullirit në dietën tuaj, e cila vepron si një mbrojtës për trurin kundër demencës.
- Peshku
Studimet treguan se njerëzit mbi 65 vjeç që hanin vazhdimisht peshk, rezultuan më mirë në testet e kujtesës krahasuar me ata që hanë më pak ose aspak peshk, dhe preferojnë mish. Peshku përfshin yndyrna të shëndetshme, B-6 dhe B-12 të cilat janë të dobishme për trurin tonë. Sipas dietës MIND mjafton një herë në javë./e.b-abcnews.al
