Ka shumë zbulime shkencore, të cilat herë pas here, theksojnë se mëngjesi është vakti më i domosdoshëm, pasi i jep trupit energjinë e nevojshme për të filluar ditën. Në fakt, sipas studimeve, është zbuluar se njerëzit që hanë mëngjes çdo ditë, priren të ndjekin një dietë më të ekuilibruar, duke shijuar përfitime të shumta shëndetësore dhe duke ruajtur peshën e dëshiruar. Disa nga opsionet më ushqyese përfshijnë:
Vezët
Studimet kanë treguar se ngrënia e vezëve për mëngjes rrit ndjenjën e ngopjes, duke sinjalizuar një konsum të reduktuar të kalorive në vaktin tjetër ndërsa ndihmon gjithashtu në ruajtjen e niveleve të qëndrueshme të sheqerit në gjak dhe insulinës.
Kosi
Kosi është një burim i pasur me proteina, që zvogëlon ndjenjën e urisë. Kosi dhe produktet e tjera të qumështit mund të ndihmojnë në kontrollin e peshës ndërsa disa lloje janë burime të mira të probiotikëve, të cilët forcojnë shëndetin e zorrës dhe funksionimin e duhur të tyre.
Tërshëra
Tërshëra është një zgjedhje ideale për adhuruesit e drithërave dhe është një nga mënyrat më të shijshme dhe më të lehta për të marrë fibra. Fibrat, nga ana tjetër, janë një “aleat” i funksionimit të duhur të trupit, pasi jo vetëm që intensifikon ndjenjën e ngopjes, por forcon sistemin kardiovaskular dhe tretës.
Farat Chia
Farat Chia janë jashtëzakonisht ushqyese dhe janë një nga burimet më të mira të fibrave. Ata gjithashtu kanë një përmbajtje të lartë të antioksidantëve, yndyrnave omega-3 dhe proteina me cilësi shumë të mirë. Ato përmbajnë gjithashtu kalcium, mangan dhe fosfor.
Çaji jeshil
Çaji jeshil plotëson në mënyrë të përsosur mëngjesin, pasi përmban kafeinë, e cila përmirëson vigjilencën dhe disponimin tonë, ndërsa në të njëjtën kohë forcon metabolizmin.
Arra
Arrat janë ideale për mëngjes, pasi rrisin ndjenjën e ngopjes dhe ndihmojnë në ruajtjen e peshës. Edhe pse arrat kanë shumë kalori, studimet kanë treguar se trupi nuk thith të gjithë yndyrën që përmbajnë. Përveç kësaj, arrat duket se zvogëlojnë rezistencën e insulinës dhe nivelet e inflamacionit në trup, faktorë që rrisin rrezikun e sëmundjes së zemrës. /abcnews.al
