Presidentja e Komisionit Evropian, Ursula von der Leyen, ka deklaruar se Bashkimi Evropian (BE) kërkon të punojë “shumë ngushtë” me vendet kryesore të origjinës dhe tranzitit për të menaxhuar sfidat e emigracionit.
Duke hapur presidencën spanjolle të Këshillit të BE-së, von der Leyen foli në një konferencë të përbashkët për media me kryeministrin spanjoll, Pedro Sanchez.
Si von der Leyen ashtu edhe Sanchez theksuan se është një nga detyrat më të rëndësishme të presidencës spanjolle të BE-së që të miratojë reformën e politikës së BE-së për emigracionin dhe azilin.
Pas mosmarrëveshjes së javës së kaluar në samitin e BE-së për emigracionin, të dy liderët shprehën shpresën do të mbizotërojë se “uniteti evropian”.
Shefja e BE-së theksoi se sfidat e emigracionit kanë nevojë për një “përgjigje evropiane” dhe se vendet e BE-së duhet “të ecin përpara me agjendën legjislative”.
Ajo shpjegoi se blloku evropian mendon të intensifikojë “angazhimin me vendet kryesore të origjinës dhe tranzitit dhe të punojë shumë ngushtë pasi vetëm një qasje gjithëpërfshirëse e bën të mundur menaxhimin e vërtetë të emigracionit”.
Ajo shtoi se organi ekzekutiv i BE-së javën e kaluar propozoi një amendament buxhetor për kornizën 7-vjeçare të BE-së, duke u kërkuar vendeve të BE-së të shpenzojnë 15 miliardë euro të tjera për menaxhimin e emigracionit.
Sanchez, nga ana e tij, pohoi se përveç reformës së emigracionit, presidenca spanjolle e BE-së do të fokusohet në mbështetjen e Ukrainës, ri-gjallërimin e marrëdhënieve të bllokut evropian me Amerikën Latine dhe sigurimin e tranzicionit industrial të gjelbër.
Presidenca e BE-së ndërrohet nga anëtarët çdo gjashtë muaj dhe u lejon atyre të përcaktojnë agjendën e takimeve ministrove të BE-së, të kryesojnë bisedimet në Bruksel dhe të organizojnë ngjarje joformale në vendin e tyre.
