Golat me kokë përgjithësisht nuk futen në kategorinë e golave të bukur, por realizimi i Cristiano Ronaldos në fitoren e djeshme kundër Sampdorias ishte special. Portugezi i Juventusit “fluturoi” në ajër dhe dërgoi topin në rrjetë.
Të shumta kanë qenë elozhet për të këtë gol, teksa Marco Materazzi e ka komplimentuar yllin e bardhezinjve në stilin e tij. Ish-kampioni i botës më Italinë ka rikujtuar golin që i shënoi Republikës Çeke në Botërorin Gjermani 2006, kompeticion i paharrueshëm për italianët.
“Bravo Air CR7… pothuajse njësoj si unë. Komplimente për golin“, shkruan ish-mbrojtësi në rrjetet sociale, teksa risjell në kujtesë kërcimin e lartë dhe realizimin me kokë në duelin e ndeshjeve të grupeve. /abcnews.al
Bravo Air CR7 ….. quasi come me ??
Complimenti per il gol !!! #fenomeno @Cristiano @Nike @Inter pic.twitter.com/Z0GVsjqfQ0— Marco Materazzi (@iomatrix23) December 19, 2019
