Manchester United e ka marrë veten dhe ka arritur pesë fitore e dy barazime në shtatë ndeshjet e fundit në kampionat. Kualifikimi në Champions League për sezonin e ardhshëm është shumë afër dhe “Djajtë e Kuq” do të bëjnë të pamundurën për ta realizuar këtë objektiv.
Ryan Giggs është një legjendë në “Old Trafford, teksa drejton kombëtaren e Uellsit prej janarit të vitit 2018. Në një prononcim për Premier League Productions, 46-vjeçari vlerëson punën e bërë nga trajneri Solskjaer dhe tregon se çfarë i duhet United të kthehet në nivele të larta.
“Manchester United ka nevojë për tre blerje për të qenë në të njëjtin nivel me Liverpool dhe Manchester City. Solskjaer ka bërë një punë të mirë në merkato, në skuadër kanë ardhur disa lojtarë të mirë.
Bruno Fernandes është një lider, Maguire është kapiteni i United. Por çështja nuk ka të bëjë vetëm me blerjen e lojtarëve të rinj, është kultura dhe karakteri që ndihmojnë klubin. Klubi po lëviz në drejtimin e duhur.
Gjithsesi, duhet edhe tre lojtarë të tjerë që të shohim një skuadër në nivel të lartë“, deklaron trajneri i Uellsit. Tre emrat që diskutohen janë Saul Niguez (Atletico Madrid), Kalidou Koulibaly (Napoli) dhe Jack Grealish (Aston Villa). /abcnews.al
