Trajneri italo-çek, Zdenek Zeman, ka folur për rifillimin e Serie A dhe rreziqet që paraqiten me fillimin e futbollit. 73 vjeçari preku gjithashtu edhe vendimin që ekipet kanë në dispozicion 5 zëvendësime, duke bërë një batutë shumë të bukur.
“Futbolli është një spektakël për njerëzit që ta shijojnë, nuk ka kuptim të rifillojë me dyer të mbyllura. Më mungon futbolli, do të shikoj të gjitha ndeshjet kur të rifillojë.
Kam kuptuar se drejtuesit duan ta rikthejnë futbollin vetëm për çështje ekonomike, pasi me shifrat në Itali, asnjë shtet tjetër nuk do e kishte bërë. 5 zëvendësime? Do ta bënte kampionatin të çregullt, pasi kur luan më shumë se 20 javë me tre zëvendësime, nuk mund t’i ndryshosh rregullat në mes të rrugës.
Gjithsesi, ky është një ndryshim i mirë për skuadrat që kanë shumë lojtarë cilësorë, pasi nuk do t’i çojnë më yjet në tribuna”, tha Zeman./abcnews.al
