Sipas të dhënave të reja të publikuara nga UNICEF, shkollat për më shumë se 168 milion fëmijë në mbarë botën janë mbyllur plotësisht për gati një vit për shkak të bllokimeve të COVID-19. Për më tepër, rreth 214 milion fëmijë në mbarë botën – ose 1 në 7 – kanë humbur më shumë se tre të katërtat e mësimit.
Analiza mbi raportin e mbylljes së shkollës thekson se 14 vende në të gjithë botën kanë qënë në masa të ashpra izolimi që nga Marsi i vitit 2020 deri në Shkurt 2021.
Dy të tretat e atyre vendeve janë në Amerikën Latine dhe Karaibe, duke prekur gati 98 milion nxënës të shkollave. Nga 14 vendet, Panama i ka mbajtur shkollat e mbyllura për një periudhë më të gjatë kohore pasuar nga El Salvador, Bangladeshi dhe Bolivia.
“Ndërsa po i afrohemi 1 vit pandemi COVID-19, duhet të kemi parasysh katastrofën arsimore që kanë krijuar bllokimet në të gjithë botën.
Me kalimin e çdo dite, fëmijët që nuk mund të kenë qasje në arsim personalisht po shtohen edhe më shumë, me më të margjinalizuarit që paguajnë çmimin më të lartë,” theksoi Fore, shefja Ekzekutive e UNICEF.
UNICEF paralajmëroi se mbylljet e vazhdueshme të shkollave kanë “pasoja shkatërruese”, me fëmijët më të rrezikuar që rrezikojnë të detyrohen të martohen ose të punojnë që fëmijë.
Ajo shtoi se ”më shumë se 888 milionë fëmijë në të gjithë botën vazhdojnë të përjetojnë ndërprerje në arsimimin e tyre për shkak të mbylljes së plotë dhe të pjesshme të shkollave./abcnews.al
