Gjatë 24 orëve të fundit në vendin tonë vihet re një ulje e numrit të pacientëve që marrin shërbim shëndetësor të spitalet Covid.
Ministria e Shëndetësisë bën me dije se numri i të shtruarve në spitale vijon të jetë i ulët, aktualisht në 4 spitalet Covid po trajtohen 296 pacientë, 21 në terapi intensive nga të cilët 6 pacientë janë të intubuar.
Gjithashtu gjatë 24 orëve të fundit janë shëruar 557 qytetarë, duke e çuar numrin e të shëruarve 32,122 që nga fillimi i epidemisë.
LEXO EDHE: Ulen testimet, 318 raste të reja me Covid-19, 11 humbje jete sot në Shqipëri
Ndërkohë në vendin tonë numri i përgjithshëm i të të infektuarve ka shkuar në 56,572 persona mes të cilëve kanë humbur jetën 1164 pacientë.
