Tre zëvendësministra të rinj të mbrojtjes u emëruan sot në qeverinë ukrainase pasi gjashtë të mëparshëm u shkarkuan pas emërimit të një ministri të ri në fillim të këtij muaji.
Rustem Umerov mori postin e ministrit të mbrojtjes tre javë më parë, duke thënë se përparësitë e tij janë koordinimi i forcave të armatosura, zhvillimi i industrisë së mbrojtjes dhe lufta kundër korrupsionit.
“Ushtarët tanë do të jenë të parët që do të ndiejnë rifillimin e ministrisë dhe zbatimin e ndryshimeve”, shkruan ai në Facebook duke shpallur partnerët e tij të rinj.
Zëvendësministrat e rinj janë Yuri Dzhihir, e cila ishte zëvendësministre e financave në vitet 2018-20, Natalya Kalmikova, deri vonë drejtoresha ekzekutive e Fondit të Veteranëve dhe Kateryna Chernokhorenko, drejtuese e projektit “Ushtria Drone”.
“Prioriteti kryesor i anëtarëve të ekipit të ri janë ushtarët tanë, jeta, shëndeti dhe dinjiteti i tyre. Detyra jonë më e rëndësishme është të sigurojmë dinjitetin e ushtarëve në të gjitha ndërveprimet e tyre me shtetin”, theksoi Umerov.
