Zyrtarët e lartë ukrainas këmbëngulën të enjten se Kievi do të bëjë zero lëshime territoriale në luftën kundër Rusisë, pas komenteve të një deputeti në zyrën e presidentit ukrainas për të ardhmen e Krimesë.
Në komentet e raportuara fillimisht të mërkurën nga Financial Times , këshilltari i lartë Andriy Sybiha tha se nëse një kundërofensivë ukrainase i shtynte forcat ruse në kufirin administrativ me Krimenë, “ne jemi gati të hapim një faqe diplomatike për të diskutuar këtë çështje”, shkruan CNN.
“Kjo nuk do të thotë se ne përjashtojmë rrugën e çlirimit të Krimesë nga ushtria jonë”, shtoi Sybiha.
Rusia aneksoi gadishullin e Detit të Zi në vitin 2014, në një lëvizje të denoncuar nga Ukraina dhe shumë aleatë perëndimorë si shkelje e ligjit ndërkombëtar. Presidenti ukrainas, Volodymyr Zelensky është zotuar të marrë përsëri territorin ndërsa vendi lufton kundër pushtimit të plotë të Rusisë, i nisur tetë vjet pas pushtimit të gadishullit./abcnews.al
