Forcat e Ukrainës kanë zmbrapsur pjesërisht trupat ruse nga qyteti Vovchansk në rajonin e Kharkiv, sipas një deklarate nga ushtria ukrainase.
Në një përditësim mbi situatën në fushën e betejës, ushtria tha se gjithsej 18 sulme ruse u zmbrapsën ndërsa përleshjet luftarake aktive po vazhdojnë në pjesët veriore dhe veriperëndimore të qytetit, shkruan Sky News.
Analisti ushtarak, Michael Clarke deklaroi se Ukraina ishte në gjendje të zmbrapste përparimet ruse duke ridrejtuar trupat nga njësitë ushtarake në jug.
“Pjesë të brigadave të tyre më të mira janë dërguar në veri për të frenuar valën,” tha ai.
Më herët, kreu i forcës policore të Ukrainës në rajonin e Kharkiv e përshkroi situatën në qytetin e Vovchansk si “jashtëzakonisht të vështirë”.
Oleksiy Kharkivskiy, shefi i policisë patrulluese të Vovchansk, tha se forcat ruse po vendosnin pozicione brenda qytetit./abcnews.al
