Kryeprokurori i Ukrainës Andriy Kostin tha se ai ka marrë informacione se presidenti rus Vladimir Putin mund të marrë pjesë në Samitin e G20 në Brazil muajin e ardhshëm dhe u bëri thirrje autoriteteve atje që të lëshojnë një urdhër arresti për të nëse ai paraqitet.
Gjykata Ndërkombëtare Penale në Hagë (ICC) lëshoi një urdhër arresti për Putinin në mars të vitit 2023, rreth një vit pas sulmit rus në Ukrainë, duke e akuzuar atë për krimin e luftës të dëbimit të fëmijëve, raportoi Reuters.
Kremlini e hodhi poshtë urdhrin e ICC si të pavlefshëm.
Prokurori ukrainas Kostin tha se është e rëndësishme që komuniteti ndërkombëtar të jetë i bashkuar dhe të kërkojë përgjegjësinë e Putinit.
Ai shtoi se është detyrimi i autoriteteve braziliane në bazë të Statutit të Romës, i cili themeloi ICC, të arrestojnë Putinin nëse ai guxon të shkojë në samit.
Sipas tij, kjo do të vërtetonte statusin e Brazilit si një shtet demokratik i sunduar nga ligji, ndërsa përndryshe do të krijonte një precedent që do të thotë se liderët e akuzuar për krime mund të udhëtojnë pa u ndëshkuar.
Brazili i ka dërguar një ftesë standarde Putinit për të marrë pjesë në samitin e G20 në Rio de Zhaneiro më 18-19 nëntor, por nuk ka marrë konfirmimin e mbërritjes së tij, thanë dy zyrtarë të qeverisë braziliane./abcnews.al
