Ministri ukrainas i Mbrojtjes Oleksiy Reznikov diskutoi me homologun e tij turk Hulusi Akar hapat e mëtejshëm për të garantuar sigurinë rajonale.
“Gëzohem që kam biseduar me një mik të madh, Ministrin e Mbrojtjes Kombëtare të Turqisë Hulusi Akar. Ne diskutuam hapat tanë të ardhshëm për të garantuar sigurinë rajonale. Falënderova Turqinë për mbështetjen e vazhdueshme ndaj Ukrainës dhe për angazhimin e saj ndaj bashkëpunimit turko-ukrainas”, tha Reznikov.
Më 11 janar, ministri i Jashtëm turk Mevlüt Çavuşoğlu tha se Turqia mbështet formulën e paqes të ofruar nga Ukraina për t’i dhënë fund luftës.
/abcnews.al
