Vjet zhvilloi një sezon fantastik dhe u shpall lojtari i vitit i Tottenham, ndërsa në janar mund të transferohet në Serie A. Flasim për Son Heung-Min, koreano jugorin e Spurs. Kontrata e tij me nënkampionët e Champions League përfundon në vitin 2023, por ai mund të ndërrojë ekip në seksionin e ardhshëm të merkatos.
Daily Express raporton se Juventusi dhe Napoli po monitorojnë me kujdes situatën e tij. Trajneri Pochettino nuk e sheh më si titullar fiks dhe lojtar kyç të ekipit. Diçka mund të jetë thyer në raportin e 27-vjeçarit me trajnerin argjentinas, edhe pse Son ka shënuar 5 gola dhe ka dhuruar 3 asiste në 11 ndeshjet e këtij sezoni.
Dy klubet italiane kanë nisur garën për shërbimet e lojtarit ofensiv, i cili ka cilësi të mëdha. Sarri dhe Ancelotti e duan në ekip, por më parë duhet gjetur akordi me presidentin e Tottenham. /abcnews.al
