Virgil Van Dijk zhvilloi një kampionat fenomenal, njësoj si të gjithë lojtarët e tjerë të Liverpool, dhe provoi për herë të parë emocionet e fitimit të Premier League. Djemtë e Jurgen Klopp dominuan gjatë gjithë sezonit dhe kryesojnë me +18 pikë nga City i vendit të dytë.
Mbrojtësi holandez ka bërë një postim emocionues në “Instagram”, aty ku shpreh gjithë lumturinë e tij dhe jep një mesazh inkurajues për fëmijët e vegjël, të cilët ëndërrojnë të bëhen futbollistë të mëdhenj dhe të fitojnë trofe.
“Jam një djalosh nga Breda, i cili ia doli të fitojë Premier League. Kjo është një ëndërr e kthyer realitet, por edhe një mundësi për mua që t’i kujtoj çdo fëmije në botë se çdo gjë është e mundur.
Punoni fort dhe këmbëngulni gjithmonë! Mos lejoni që injoranca e të tjerëve, urrejtja ose negativiteti, t’iu ndalojnë që të bëheni më i miri që mundeni. Falënderoj familjen, tifozët, shokët e skuadrës dhe gjithë stafin teknik“, shkruan mbrojtësi më i fortë në planet. /abcnews.al
