U përplas nga një shofer, biçiklisti në Tiranë përfundon në spital

Një shofer në Tiranë ka përplasur një person që po udhëtonte me biçikletë. Mësohet se ngjarja ka ndodhur rreth orës 10:00, në rrugën “Llazi Miho”, Kombinat ku mjeti me drejtues J. N., aksidentoi biçiklistin ende të paidentifikuar.

Ky i fundit është dërguar në spital ku po merr kujdes shëndetësor. Grupi hetimor po punon për sqarimin e rrethanave të aksidentit. s.b/abcnews.al/