Njeriu i dytë më i fuqishëm në Iran pas Ajatollah Khamenei, Qaseem, Soleimani u vra dy ditë më parë nga një dron i SHBA-ve në Bagdat sapo kishte zbritur nga avioni.
Urdhri për ekzekutimin e tij u dha na Presidentit Donald Trump me arsyetimin se kreu i Forcave Speciale të Gardës Revolucionare të Iranit po përgatiste sulme të tjera kundër interesave të SHBA-ve në rajon.
Vrasja ka rritur tensionet mjaft dhe ka rikthyer frikën e një lufte në shkallë të gjerë në rajon, raporton abcnews.al.
Si u vra Soleimani?
Vend ndodhja e tij ka qenë prioritet i shërbimeve sekrete izraelite dhe amerikane. Ai ka qenë shpesh nën shënjestrën e amerikaneve për ta vrarë, por vendimi u mor vetëm sëfundmi.
Soleimani u ndoq gjatë udhëtimit të tij me avion për në Bagdat ku urdhri ishte dhënë për ta vrarë. Pasi u ul, dy makina u afruan për ta marrë atë duke mos ditur se një dron amerikane “MQ 9 Reaper” po e vëzhgonte nga sipër.
Pasi u siguruan se targeti ndodhej në makinë, komandantët e operacionit dhanë urdhrin dhe nga droni u lëshuan fillimisht dy raketa “hell fire” duke goditur makinën ku ndodhej Soleimani.
Më pas,një raketë tjetër goditi makinën pas tij duke vrarë edhe një lider të milicëve lokal.
I gjithë operacioni u koordinua nga baza amerikane në Katar, nga ku u ngrit edhe droni për të vrarë Soleimanin.
“MQ9 Reaper”
Droni “Reaper” i quajtur ndryshe edhe si “vrasësi” është fjala e fundit e teknologjisë amerikane të ajrit. Ata janë në gjendje të ndjekin për orë të tëra në heshtje objektivat dhe të transmetojnë nga mijëra kilometra larg pamjet e operacionit tek shefat e tyre. Makina e soleimanit u godit nga disa dhjetra kilometra larg nga sy raketa “hell fire”, të cilat qëlluan në shenjë.
Ky dron kushton rreth 16 milion dollar dhe i gjithë programi për prodhimin e tij i ka kushtuar ushtrisë amerikane 12 miliard dollar.
SHBA-të kanë në përdorim më shumë se 160 donë të tillë që mund të kryejnë operacione në të gjithë botën.
Kush është Qasim Suleimani?
Qasim Suleimani është një burrë 61 vjeçar, babai i pesë fëmijëve.
Ai filloi të punonte në ndërtim që në moshën 13 vjeçare për të ndihmuar familjen e tij në Iranin jugor.
Revolucioni islamik i vitit 1979 në Iran e gjeti atë 22 vjeç. Me zellin e moshës dhe bindjet e tij, ai iu bashkua Gardës Revolucionare që u ngrit për të mbrojtur revolucionin e ajatollahëve.
Ai mori drejtimin e Gardës Revolucionare në fund të luftës Iran-Irak në vitin 1988 para se të bëhej drejtuesi i Forcave Speciale të saj, pikërisht ato “Kuds”.
I përkushtuar tërësisht për mbrojtjen e Republikës Islamike, ai është cilësuar si një “martir i gjallë” në vitin 2005 nga Udhëheqësi Suprem i Iranit, Ajatollah Ali Khamenei.
Suleimaini është akuzuar nga SHBA-të në vitin 2008 se ishte personi përgjegjës për trajnimin dhe armatosjen e militantëve shiit në Lindjen e Mesme kundër forcave amerikane në Irak.
“Ai mbështet lëvizjen palestineze Hamas si edhe ka armatosur lëvizjet shiite në gadishullin arabik. Soleimani ka lidhje edhe në Turqi dhe e gjitha kjo ka tërbuar monarkitë arabe në Gjirin Persik. Qaseeim Suleimani imponon vullnetin e Iranit në të gjithë Lindjen e Mesme”, shkruante “The World” në vitin 2017 për të.
“E njeh Sirinë si xhepin e tij dhe ka një njohuri shumë të mirë për Irakun”, tha një burim diplomatik për AFP disa vjet më parë.
Për më tepër, “ai është jashtëzakonisht i respektuar nga njerëzit e tij falë karrierës dhe karizmës së tij”, vijon AFP.
Në vitin 2011, një zyrtar i lartë amerikan i intervistuar nga “Guardian” e krahasoi atë me “Keyser Söze”, heroi i “The Usual Suspects”. /Përgatiti: abcnews.al
