Me temperaturat e larta gjarpërinjtë bëjnë pamjen e tyre. Pavarësisht nëse keni frikë prej tyre ose jeni një nga ata njerëz që thonë “nëse nuk i shqetësoj ata nuk do të më shqetësojnë mua”, është e dobishme të dini se çfarë të bëni nëse ju kafshon një gjarpër.
Ka mbi 3500 lloje gjarpërinjsh, por vetëm rreth 200 janë helmues. Nga viktimat e gjarpërinjve helmues, për fat të mirë, vetëm më pak se 10% vdesin. Kur gjarpërinjtë helmues kafshojnë një person, ata lënë disa helm në trupin e tij. Ky helm zakonisht ndërhyn në nerva, duke bërë që personi të ndalojë frymëmarrjen, por gjithashtu mund të shkaktojë shkatërrim të qelizave dhe çrregullime të koagulimit të gjakut.
Çfarë duhet bërë?
-Thirrni menjëherë një ambulancë
Ju duhet ta trajtoni çdo pickim gjarpri si një emergjencë, pavarësisht nëse mendoni se gjarpri ishte helmues apo jo. Shumë gjarpërinj duken të ngjashëm dhe nuk i kushtoni vëmendjen e duhur.
-Mos u frikësoni dhe mos lëvizni
Qëndrimi i palëvizshëm pas kafshimit të gjarprit mund të ngadalësojë përhapjen e helmit në trup. Nëse jeni kafshuar nga një gjarpër helmues, qëndrimi i palëvizshëm mund t’ju shpëtojë jetën.
-Mos u përpiqni të lokalizoni, kapni, lëndoni ose vrisni gjarpërin për të përcaktuar llojin e tij. Kini parasysh se nëse është helmues, brenda një kohe të shkurtër zona shfaq ënjtje intensive lokale, ndërsa mund të shfaqen nauze, të vjella ose djersitje. Në fazat e mëvonshme, mund të shfaqen edhe përgjumje, dobësi muskulore ose aritmi.
-Lidhe gjymtyrën ku të kafshoi
Aplikimi i një fashë presioni mund të ndalojë lëvizjen e helmit nëpër sistemin tuaj limfatik. KUJDES, megjithatë, mos e lidhni shumë fort, pasi gjaku duhet të qarkullojë brenda arterieve.
-Mos aplikoni akull në vendin e pickimit.
Mund të shkaktoni më shumë dëme./abcnews.al
