Vajza 21 vjeçare që u mor peng, Mia Schem ka thënë pas lirimit se ka kaluar një Holokaust ndërsa mbahej në robëri të Hamasit.
“Ishte e rëndësishme për mua të transmetoja të vërtetën për natyrën e njerëzve që jetojnë në Gaza, kush janë ata me të vërtetë dhe çfarë kam përjetuar atje”, tha ajo për Channel 13 të Izraelit.
Gazetarja i kërkoi asaj të shtjellonte se çfarë donte të kuptonte bota.
“Se kam kaluar një holokaust,” u përgjigj ajo.
Schem më vonë përshkroi se si ajo u zhvendos nga shtëpia në shtëpi dhe kaloi kohë me një familje që e ruante, e cila ishte e lidhur me Hamasin.
“Të gjithë atje janë terroristë,” tha ajo.
Schem është një nga pengjet që u lirua, pasi u shfaqën pamjet e saj në Gaza duke operuar dorën e saj të lënduar pasi u rrëmbye më 7 tetor nga festivali muzikor Nova./abcnews.al
