Elseid Hysaj as që ishte grumbulluar në ndeshjen kundër Liverpool në Champions League. Gjithsesi mbrojtësi i djathtë është pjesë e planeve të trajnerit Carlo Ancelotti. Tekniku italian po bën plane me të në ndeshjen e nesërme të kampionatit.
Hysaj, sikurse raporton Corriere dello Sport, pritet ta nisë nga fillimi në ndeshjen kundër Bologna. Mbetet të shihet nëse do të luajë në të djathtë apo në të majtë të mbrojtjes.
Në ndeshjet e fundit ka luajtur majtas dhe aty janë më të shumta mundësitë që të aktivizohet. Napoli, veç Hysajt, pritet të rikthejë nga minuta e parë edhe spanjollin Jose Callejon. Edhe ky i fundit mungoi ndaj Liverpool në Champions. /abcnews.al
