Policia e Sarandës ka vënë në pranga dy persona nën akuzën e kultivimit të lëndëve narkotike.
Sipas uniformave blu mësohet se të arrestuarit janë shtetasit E. P., 30 vjeç, i cili është kapur me 16 doza lëndë narkotike të dyshuar si kanabis sativa dhe D. K., 37 vjeç, të cilit iu gjetën 2 doza lëndë narkotike të dyshuar si canabis sativa.
Njoftimi i policisë:
Policia ka arrestuar në flagrancë dy shtetas për veprën penale “Prodhimi dhe shitja e narkotikëve”.
Arrestohet shtetasi E. P., 30 vjeç, banues në Lushnjë. Ky shtetas u kap në dhomën e tij të pushimit në Dhërmi, pasi gjatë kontrollit iu gjetën 16 doza lëndë narkotike të dyshuar si canabis sativa.
Arrestohet shtetasi D. K., 37 vjeç, banues në fshatin Fermë Çlirim, Fier, pasi ditën e djeshme është kapur në rrugën e Ksamilit dhe gjatë kontrollit personal iu gjetën 2 doza lëndë narkotike të dyshuar si canabis sativa.
Materialet iu referuan Prokurorisë për veprime të mëtejshme./abcnews.al
