Autoritetet britanike kanë ndaluar Asma al-Assad, gruan e presidentit të rrëzuar sirian Bashar al-Assad, të hyjë në Mbretërinë e Bashkuar për arsye shëndetësore pasi pasaporta e saj është e pavlefshme.
Burime të qeverisë britanike e zbuluan këtë për Times. Është e paqartë nëse dokumenti i udhëtimit ka skaduar apo është bllokuar në mënyrë aktive.
Sipas burimeve të gazetës, duke qenë se pasaporta e gruas së sëmurë rëndë në mërgim është e pavlefshme dhe qeveria nuk do ta lejojë atë të kthehet për arsye shëndetësore.
Në fillim të këtij muaji, Telegrafi raportoi se ish-zonja e parë e Sirisë ka një shans 50% për të mbijetuar pasi një formë agresive e kancerit të gjakut u kthye pas trajtimit për sëmundjen.
Asma, e cila u diagnostikua me leuçemi mieloide akute në maj të këtij viti, është plotësisht e izoluar në Moskë, ndërsa po trajtohet për kancerin agresiv. Sipas Times, personi që menaxhon trajtimin në kryeqytetin rus është babai kardiolog, i cili duket se është larguar nga shtëpia e tij në Londër së bashku me gruan e tij për të ndihmuar vajzën e tyre./abcnews.al
