Një i dënuar ka ndërruar jetë në burgun e Drenovës. Gazetarja e ABC, Lediona Xheladinaj raporton se viktima është Edmond Jonuzi 41 vjeç.
I burgosuri është dërguar në spitalin e Korçës në gjendje të rënduar shëndetësore, por pavarësisht ndihmës nga mjekët ndërroi jetë.
Ai ishte i dënuar me 12 vite burg për plagosje dhe i kishin mbetur edhe 4 vite për ta përfunduar.
Zyrtarisht ende nuk dihen shkaqet e vdekjes, ndërsa një burim i tha ABC, se i dënuari vuante nga zemra dhe depresioni./ Abcnews.al
