Një burrë i dënuar gabimisht për përdhunimin e një adoleshenteje, më në fund u shfajësua të martën në një seancë emocionale. Ky rasti që ka zgjatur më shumë në historinë amerikane, i cili u përmbys nga provat e reja të ADN-së.
Leonard Mack, tani një banor i Karolinës së Jugut, mori dhuratën e shfajësimit në ditëlindjen e tij të 72-të.
Leonard Mack has finally been exonerated after 48 yrs! Leonard was wrongfully convicted of rape in 1975, and served his entire 7.5 yr sentence. Since then, Leonard has lived with the stigma of being wrongly labeled a criminal. Today, he can FINALLY enjoy his freedom! pic.twitter.com/BWAReTFuTr
— Ben Crump (@AttorneyCrump) September 6, 2023
Leonard Mack, i cili ecte me shkop ditën e djeshme dhe u përpoq të fshihte emocionet e tij gjatë seancës dëgjimore, ishte në të njëzetat kur u arrestua më 22 maj 1975 dhe u akuzua për përdhunimin e një nxënëse të shkollës ndërsa po ecte me shoqen e saj në qytetin e vogël të Greenberg, në të njëjtin qark.
“Pavarësisht se u deklarua i pafajshëm dhe pavarësisht nga dëshmitarët që vërtetonin alibinë e tij,” sipas prokurorisë, Leonard Mack, i cili kishte shërbyer në ushtrinë amerikane në Luftën e Vietnamit, u dënua një vit më vonë për përdhunim dhe armëmbajtje dhe u urdhërua të shërbente në një burg për 7 vite.
Dy viktimat u detyruan ta “identifikonin” në bazë të procedurave dhe metodave policore që ishin “të njëanshme” dhe “problematike”, sipas prokurorisë.
Leonard Mack, i cili jeton në jug të Shteteve të Bashkuara, ka insistuar gjithmonë që është i pafajshëm. Por atij iu desh të priste deri në vitin 2022, kur prokuroria rihapi dosjen.
“Tani mund të them me të vërtetë se jam i lirë,” tha një Leonard Mack i përlotur.
Sipas një raporti të lëshuar në vitin 2022, personat me ngjyrë përbëjnë 13% të popullsisë së SHBA-së, por 53% të atyre që u shfajësuan pas dënimeve të tyre për shkak të një dështimi të drejtësisë në vitin 1989.
/abcnews.al
