Pas dy dekadash në burg, më në fund një gjykatës në SHBA ka hedhur poshtë akuzat për Dennis Perry, i cili vuajti padrejtësisht dënimin për vrasjen e një çifti në vitin 1985.
Mediat e huaja bëjnë me dije se gjykatësi i Gjykatës Superiore të Qarkut Glynn Stephen Scarlett miratoi një mocion nga prokurorët për të hedhur poshtë çështjen kundër Dennis Perry, pasi nga ADN-ja e marrë nga skena e krimit, doli që një i dyshuar tjetër ishte i përfshirë në ngjarje.
Avokati i Rrethit Gjyqësor Brunswick, Keith Higgins, tha se nuk do e ndiqte më çështjen, pasi doli që dikush tjetër i ka vrarë çiftin Harold dhe Thelma Sëain.
“Ka raste kur kërkimi i drejtësisë do të thotë të ndjekësh një person të gabuar”, ka thënë avokati.
Ndërsa Perry pas vendimit të gjykatës për të shfuqizuar vendimin, u shpreh se është i lehtësuar që më në fund e vërteta ka dalë në dritë.
Swains u vranë brenda Kishës Baptiste Rising Daughters në Georgia, në 1985. Perry u dënua në vitin 2003 kryesisht në dëshminë e nënës së ish-të dashurës së tij, e cila tha se Perry i kishte thënë asaj se kishte në plan të vriste Harold Swain./abcnews.al
