Mbrëmjen e djeshme Juventusi doli i humbur nga Portugalia, aty ku Porto e mposhti 2-1 dhe ndërlikoi kualifikimin e skuadrës së Pirlos në fazën tjetër të Champions Legaue.
Ndeshja nuk shkoi mirë as përsa i përket dëmtimeve sepse Pirlos iu desh të zëvendësonte Giorgio Chiellinin që në minutën e 35-të për shkak të dhimbjeve në kofshën e tij të djathtë.
? Bianconeri subito al lavoro questa mattina al #TrainingCenter ➡ https://t.co/7ttEXEh96g ⬅ pic.twitter.com/pJO9GvvDne
— JuventusFC (@juventusfc) February 18, 2021
Fatmirësisht sot vjen lajm i mirë për bardhezinjtë. Juventus në një deklaratë për mediet raporton se pas ekzaminimeve mjekësore në këmbën e Chiellinit nuk është gjetur asnjë dëmtim dhe situata është normale, teksa gjendja e tij do monitorohet ditë pas dite.
Në fund të ndeshjes shqetësime kishte edhe Rodrigo Bentancur, por edhe për të fatmirësisht nuk ka asgjë serioze dhe pritet të jetë i gatshëm për Pirlon në ndeshjen e radhës ndaj Crotone. /abcnews.al
