Presidenti i Afganistanit Ashraf Ghani, i cili u largua nga vendi pas largimit të trupave të SHBA-ve dhe aleatëve, është strehuar në Emiratet e Bashkuara Arabe.
Emiratet e Bashkuara Arabë bënë të ditur se presidenti bashkë me familjen e tij po qëndrojnë në vend për “konsiderata humanitare.” Ghani u arratis nga vendi pasi talebanët morën kontrollin.
Zyrtarët e ambasadës afgane në Taxhikistan i kërkuan policisë së Interpolit që të arrestojnë atë dhe dy përfaqësuesve të tjerë me akuzat e vjedhjes së pasurisë publike, në mënyrë që fondet të kthehen në Afganistan.
Ndërkohë, në mungesë të tij, zëvendësi Amrullah Saleh është vetëshpallur ditën e djeshme si president kujdestar i Afganistanit. Sipas Kushtetutës së vendit, në mungesë, pas ikjes ose vdekjes së presidentit, nënkryetari i parë bëhet kujdestar. s.b/abcnews.al/
