Ministri i Jashtëm rus Sergei Lavrov ka zhvilluar një bisedë telefonike me homologun e tij turk, Hakan Fidan, ku e ka paralajmëruar se Ankaraja mund të përballet me “pasoja negative” për ofrimin e ndihmës ushtarake për Kievin dhe për lejimin e kthimit të liderit të njësisë neo-naziste “Azov” në Ukrainë.
Mediat e huaja shkruajnë se Lavrov në këtë komunikim ka theksuar se Turqia po ndjek një “kurs shkatërrues” duke vazhduar të ofrojë ndihmë ushtarake për Kievin.
Ndër të tjera në faqen e MPJ-me ruse thuhet se Lavrov dhe Fidan kanë shkëmbyer mendime edhe për situatën rajonale, duke përfshirë situatën në lidhje me kthimin e udhëheqësit të “Azov” në Ukrainë.
Ndërkohë zëdhënësi i Kremlinit Dmitry Peskov tha se kthimi i komandantëve të “Azov” në Ukrainë është shkelje e kushteve të marrëveshjeve ekzistuese./abcnews.al
