Gökay Akbulut, një deputete nga partia gjermane Die Linke u arrestua në aeroportin e Antalias pas mbërritjes së saj në Turqi më 3 gusht.
Ministria e Jashtme gjermane konfirmoi incidentin për gazetën Frankfurter Allgemeine, duke thënë se ambasada gjermane në Ankara dhe konsullata e saj në Antalia ishin në kontakt të ngushtë me deputeten.
Erst in der Türkei am Flughafen habe ich erfahren, dass ein Haftbefehl der Staatsanwaltschaft Kayseri gegen mich vorliegt. Bevor ich dazu Aussagen musste, wurde die Akte innerhalb von wenigen Stunden gelöscht. Ich danke dem Auswärtigen Amt für ihren schnellen Einsatz! Der Vorfall…
— Gökay Akbulut MdB (@AkbulutGokay) August 12, 2023
Qeveria gjermane ndërhyri menjëherë për të siguruar lirimin e saj të menjëhershëm. Akbulut, e cila është deputete që nga viti 2017, foli për arrestimin e saj në një postim në Twitter të shtunën mbrëma.
“Sapo mbërrita në aeroportin e Turqisë, mësova se ndaj meje kishte një urdhër arresti.
Dosja u fshi brenda disa orësh, përpara se të më duhej të bëja një deklaratë. Falenderoj Ministrinë e Jashtme për veprimin e saj të shpejtë! Incidenti tregoi edhe një herë se në Turqi nuk ka ndarje pushtetesh. Mos u shqetësoni: Nuk do të më tremb një urdhër arresti”,tha ajo.
Arsyeja zyrtare e arrestimit ende nuk dihet.
Akbulut ka lindur në Turqi dhe, sipas saj. Ajo ka kritikuar vazhdimisht qeverinë turke dhe po bën fushatë që Gjermania të heqë ndalimin e saj ndaj aktiviteteve të Partisë së Punëtorëve të Kurdistanit (PKK), e cila është cilësuar si organizatë terroriste si në Turqi ashtu edhe në BE.
/abcnews.al
