Gjykata e Stambollit ka dënuar me 1406 vite burg ish-drejtorin e televizionit “Samanyolu” Hidayet Karaca. Mediat turke raportojnë se vendimi erdhi pasi gjykata mori parasysh të plotë kërkesën e prokurorisë për të mbyllur pas hekurave ish-drejtorin e televizionit të njohur si pjesë e lëvizjes Gylen në Turqi.
Ky është një vendim i paprecedent sa i përket kohëzgjatjes, megjithatë gjykatësit e kanë parë të arsyeshme që të konsiderojnë kërkesën e prokurorisë për akuzën e pjesëmarrjen në rrjetin e Gylenit; nxjerrje të sekretit shtetëror; mashtrim në futboll, etj.
Hidayet Karaca ka qenë drejtor i televizionit “Samanyolu” deri në vitin 2015 ku edhe u arrestua nga policia me akuzën se ishte mbështetës i Lëvizjes Gylen. Ndërkohë televizioni dhe të gjitha gazetat e konsideruara si pjesë e kësaj lëvizjeje u mbyllën, kurse një pjesë e gazetarëve u burgosën.
Gjykatat turke kanë dhënë më herët dënime të ngjashme me nga 1 mijë apo 2 mijë vite burg për anëtarët e Lëvizjes Gylen. /abcnews.al
