Donjeta Sadiku e ka nisur me fitore turneun kualifikues botëror të boksit për Lojërat Olimpike Paris 2024, që po mbahet në Busto Arsizio të Italisë.
Boksierja “dardane” ka mundur boksieren nga Britania e Madhe, Shona Whitwell, me vendim unanim të gjyqtarëve.
Për ta fituar normën olimpike, Sadikut i duhen edhe tri fitore. Vetëm tre vendet e para në kategorinë e saj deri në 60 kg marrin biletën për Paris 2024.
Të dielën ka garuar, Bashkim Bajoku (-51 kg), i cili pësoi humbje në rrethin e parë.
Të enjten në ring ngjitet edhe vëllai i tij Shpetim Bajoku (-63.5 kg)./ h.ll/abcnews.al
