Ministria e Punëve të Brendshme të Maqedonisë së Veriut, me mbështetjen e Prokurorisë Publike, ka nisur hetime për disa klube të futbollit që janë përfshirë në trukime të ndeshjeve.
MPB-ja dhe Prokuroria Publike kanë kërkuar nga administrata e Federatës së futbollit të Maqedonisë që të sigurojë dokumentacion dhe informacion për klubet, ndeshjet dhe zyrtarë të caktuar.
Të njejtën e konfirmuan edhe nga “Shtëpia e Futbollit” të cilët theksuan se i kanë dorëzuar dokumentet e kërkuara nga policia dhe janë në bashkëpunim me organet shtetërore për të ruajtur integritetin dhe lojën e futbollit.
Veprimi i Ministrisë së Brendshme bazohet në informacionet dhe rekomandimet e marra nga “Sportradar”, organ i Interpolit dhe UEFA-s, qëllimi i të cilit është lufta kundër trukimeve.
Emrat e klubeve nuk janë bërë të ditura, por flitet se nën hetime janë shtatë klube nga Superliga dhe Liga e Dytë.
Kujtojmë se gjashtë vjet më parë, njëmbëdhjetë persona u arrestuan në një operacion ndërkombëtar policor nga Sllovenia, Kroacia për trukime të ndeshjeve. Një veprim i ngjashëm është bërë edhe vitin e kaluar në Serbi, pas së cilës disa klube janë përjashtuar nga Liga e Parë./ h.ll/abcnews.al
