Shërbimet turistike në Shqipëri patën rritjen më minimale të çmimeve krahasuar me vendet e tjera të Europës.
Pavarësisht se u përfol për shtrenjtim të çmimeve nga operatorët turistikë gjatë verës, Eurostat konstaton se çmimi i paketave turistike në muajin korrik në Shqipëri shënoi rritje vetëm me 1.4%, duke e renditur vendin tonë në mesin e 10 vendeve ku çmimet e shërbimeve turistike u rritën më pak se në shtetet e tjera.
Kjo e ka kthyer Shqipërinë një ndër destinacionet e preferuara nga turistët e Evropës dhe të vendeve fqinje si Italia . Në vendin tonë gjatë periudhës janar-korrik kanë hyrë 6.3 milionë turistë të huaj të cilët kanë deklaruar se arsyeja e vizitës në Shqipëri është për pushime . Në korrik në vend janë regjistruar 2.6 milionë shtetas që kanë ardhur në Shqipëri.
Sipas Eurostat çmimet e paketave ose të shërbimeve turistike u rritën më tepër në Turqi, Francë, Itali dhe Qipro .Rritjen më të fortë çmimet e paketave turistike e shënuan rritjen më të fortë me gati 50% në Turqi gjatë korrikut krahasuar me korrikun 2023. Fillimisht vendi ndërtoi resorte të mëdha ku u ofruan paketa me gjithçka të përfshirë dhe me çmime konkurruese.
Ndërkohë në Francë çmimet e paketave turistike kanë shënuar rritje me 22.2%. Në korrik 2024, çmimi i paketave të pushimeve në BE ishte 6,6% më i lartë se në korrik 2023.
/abcnews.al/
