Sezoni turistik i këtij viti do të tejkalojë krizën .Sipas të dhënave të INSTAT të huajt që erdhën në Shqipëri në 4 muajt e parë të këtij viti ishin 1.07 milionë ose 3% më pak se në vitin 2019.Përfaqësuesi i shoqatës së tur-operatorëve Besnik Vathi shprehet se interesi për të udhëtuar është shumë i lartë.
“Interesimi për të udhëtuar për pushimet verore nëpër plazhe është i madh.”
Turqia dhe Greqia rezultojnë dy destinacionet më të favorshme nga ana financiare për të kaluar pushimet këtë verë. Më e shtrenjtë mbetet Europa.
“Çmimet më të larta janë drejt vendeve të Evropës Perëndimore.”
Përfaqësues të sektorit të turizmit i kërkojnë qeverisë që të marrë masa për menaxhuar trafikun gjatë verës në mënyrë që të mos krijohen vonesa.
Rritje më të lartë pati numri i turistëve gjatë periudhës janar-prill pati nga Anglia e Greqia të cilët u gjashtëfishuan, nga Spanja u pesëfishuan dhe nga Italia u trefishuan.
Ndërkohë që Kosova ka pasur rënien më të ndjeshme me 13,6%, krahasuar me të njëjtën periudhë të vitit 2021.
Rritje të ndjeshme gjatë kësaj periudhe ka pësuar edhe numri i shtetasve shqiptarë të dalë nga territori i Shqipërisë me rreth 52,3%, krahasuar me janar-prillin e një viti më parë./abcnews.al/
