Presidenti i zgjedhur në SHBA, Joe Biden do të përqendrohet sot në formimin e ekipit të tij kryesor për në Shtëpinë e Bardhë, ndërsa Donald Trump bën presion me luftën e tij gjithnjë e më të ashpër ligjore për të “ndryshuar” humbjen e tij në zgjedhjet e SHBA.
Disa persona nga stafi i lartë i ekipit të Biden kanë diskutuar rolet e tyre në tranzicion dhe administratën e re që pritet të marrë pushtetin në 20 janar – dhe disa nga ato role mund të shpallen jo më larg se të martën, sipas një personi të njohur me këtë çështje raporton Reuters, përcjell abcnews.al
Përfaqësuesi i SHBA Cedric Richmond, i cili ishte bashkë-kryetar kombëtar i fushatës së Biden dhe ish-kryetar i Grupit të Zi të Kongresit, pritet të bashkohet me administratën, ashtu si Steve Ricchetti, i cili ka qenë prej kohësh këshilltar i ngushtë i Biden, tha burimi.
Kalimi i Richmond do ta linte të hapur vendin e tij për kongres në Luiziana.
Jen O’Malley Dillon, që u soll në fillim të këtij viti si menaxher i fushatës së Biden dhe është gruaja e parë që drejton një ekip fitues presidencial demokratik, pritet të emërohet një zv / shefe ei stafit, raportuan mediat.
Presidenti Trump, i cili nuk ka pranuar zgjedhjet e 3 nëntorit, e ka bllokuar atë që të marrë informime të klasifikuara të inteligjencës zakonisht të dhëna pasardhësit në një tranzicion. s.b/abcnews.al/
