Ish-presidenti amerikan Donald Trump vendosi të shesë një pjesë të xhaketës që kishte veshur ose kravatën ditën kur u arrestua në Georgia.
“Ky është një kostum shumë i mirë dhe ju mund të merrni një pjesë të tij”, tha ai në një postim në rrjetet sociale.
Donald Trump ditën e arrestimit kishte veshur një kostum blu të errët dhe një kravatë të kuqe. Megjithatë, procesi i blerjes së pjesës nga xhaketa e famshme nuk është aq i lehtë.
Blerësit e mundshëm fillimisht do të duhet të blejnë 47 karta tregtare dixhitale përmes faqes së internetit të Collect Trump Cards dhe më pas të marrin një pjesë të kostumit ose kravatës së tij.
Ndërkohë që kartat dixhitale kushtojnë 99 dollarë, kostoja e plotë e kompletit prej 47 copësh është 4862,38 dollarë.
/abcnews.al
