Loading ...
Zëdhënësja e Shtëpisë së Bardhë, Karoline Leavitt, ka ndarë një mesazh të presidentit amerikan Donald Trump lidhur me NATO-n, ku ai shpreh kritika të forta ndaj Aleancës.
Sipas Leavitt, Trump ka deklaruar se NATO është “testuar dhe ka dështuar”, duke shtuar se është “mjaft e trishtueshme që NATO i ktheu shpinën popullit amerikan gjatë gjashtë javëve të fundit”.
Ajo theksoi gjithashtu se, sipas presidentit, populli amerikan ka qenë financuesi kryesor i mbrojtjes së aleancës ndër vite.
Ndërkohë, Leavitt bëri të ditur se Trump pritet të zhvillojë më vonë gjatë ditës një takim në Uashington me sekretarin e përgjithshëm të NATO-s, Mark Rutte.
Sipas saj, presidenti amerikan pret të zhvillojë një “bisedë të drejtpërdrejtë” me kreun e NATO-s, në një moment kur marrëdhëniet mes SHBA-së dhe aleancës po përballen me tensione të reja.
