Loading ...
Ish-presidenti amerikan dhe kandidati republikan për president, Donald Trump deklaroi se fitorja e kandidates demokrate për president Kamala Harris në zgjedhjet për Shtëpinë e Bardhë në nëntor do të nënkuptonte fundin e ekzistencës së Izraelit.
Trump tha, në një mbledhje të hebrenjve, anëtarë të Partisë Republikane, se votimi për të është mënyra e vetme për të shpëtuar shtetin hebre nga shkatërrimi i sigurt, raportoi The Times of Israel.
Ai premtoi të “ndihmojë Izraelin të bëhet përsëri i madh”.
Sipas medias izraelite, Trump pretendon se hebrenjtë ndiheshin të sigurt në publik gjatë kohës që ai ishte president i SHBA-së, duke injoruar një rritje të raportuar të numrit të incidenteve antisemite gjatë presidencës së tij./abcnews.al
