Tifozët e Interit kanë thumbuar Juventusin përpara fillimit të ndeshjes në stadiumin “Giuseppe Meazza” duke zbuluar disa pankarta me polemikat e bardhezinjvendër vite.
Ndeshja që nisi në ora 20:45 po luhet në kuadër të javës së 23-të në Serie A.
Është një nga rivalitetet më të mëdha në futbollin italian, pasi takimet mes bardhezinjve dhe zikaltërve shpesh karakterizohen nga tensione dhe polemika.
Ultrasit e Interit tronditën rivalët e tyre përpara fillimit duke zbuluar disa pankarta në “Curva Nord”, duke përmendur disa nga skandalet që përfshinin Juventusin ndër vite.
Tifozët e Interit shkruan: “Blerja e arbitrave”, “Teste mjekësore të falsifikuara”, “Drejtorët të dënuar”, “Fitimet e fryra kapitale”, “Ndalimi evropian”, “Bilanci i falsifikuar”, “Lojtarët me doping”, “Trofe të vjedhur”, Transferime të manipuluara” dhe “Tifozë të parespektuar”.
Natyrisht se ato janë pritur me vërshëllima nga tifozët mysafirë, që nuk pajtohen me këto fjalë./ h.ll/abcnews.al
