Nga Ajgena Korbi
Të rinjtë shqiptar duket se njohin më mirë gjuhët e huaja se gjuhën amtare. Kjo del në pah nga arritjet e nxënësve në maturën shtetërore.
Vetëm 5% e gjimazistëve që mbyllën shkollën e mesme vjet janë vlerësuar me 10 në gjuhë shqipe dhe letërsi kundrejt 20% që morën notë maksimale në gjuhë të huaj.
Por ky është vetëm një prej treguesve që nxjerr në pah raporti I Qendrës së Shërbimeve Arsimore.
Në lëndët kryesore bie në sy niveli I ulët I nxënësve që kanë dalë nga bankat e gjimnazeve në vend.
Njohuritë e 63% të nxënësve në gjuhë dhe letërsi vlerësohen nga 6 tek 8 ndërsa 7 është nota që mbizotëron në testet e maturës.
Me pak të përgatitur janë maturantët në lëndën e matematikës ku mbizotëruese është nota 6.
Fiktiviteti i notave është një tjetër e dhënë që nxjerr në pah analiza e maturës shtetërore.
Arritjet e nxënësve gjatë vitit janë më të lartë se në provimet e maturës. Diferenca varion nga 3 deri në 4 nota sipas Qarqeve. Më e lartë është në qytetet më të vogla.
Shqetësimi i prindërve për mangësitë në formimin e fëmijëve të tyre ka qenë i shpeshtë dy vitet e fundit, ndërsa efekteve të pandemisë së Covid-19 nuk i shpëtoi as arsimi ku përgjithësisht mësimi në shkolla u zhvillua online. /abcnews.al
