Nicolas Maduro i konsideron trazirat një komplot të ekstremit të djathtë, që thotë se “drejtohen nga armiqtë politikë”, pas trazirave që kanë shpërthyer në Venezuelë.
“Tani jemi duke u përballur ndoshta me përpjekjen më kriminale për të marrë pushtetin që kemi parë. E gjithë kjo po drejtohet nga një dyshe makabre, të cilët duhet të marrin përgjegjësinë e tyre”, tha Maduro, i cili ka urdhëruar forcat e sigurisë të dalin në rrugë.
González dhe Machado thonë se fushata e tyre tronditi themelet e vendit, mes zemërimit të përhapur mbi kolapsin ekonomik të Venezuelës gjatë sundimit 11-vjeçar të presidentit aktual dhe një krize migracioni që ka bërë që 8 milionë qytetarë të largohen jashtë vendit. Por Maduro pretendon fitoren, deri më tani pa dhënë prova, duke shkaktuar protesta në rrugë dhe një valë kritikash ndërkombëtare, raporton “The Guardian”.
Shtetet e Bashkuara dhe komuniteti ndërkombëtar kanë shprehur shqetësimin me vonesat në publikimin e të dhënave të detajuara për zgjedhjet nga autoritetet zgjedhore në Venezuelë , tha zëvendës- zëdhënësi i Departamentit të Shtetit, Vedant Patel të mërkurën në konferencën e përditshme të shtypit.
Ministrat e G7-ës i bënë thirrje përfaqësuesve të Venezuelës që të bëjnë publike të gjitha të dhënat e numërimit të votave dhe që të ndajnë çdo informacion me opozitën dhe vëzhguesit e pavarur.
Të martën, Presidenti amerikan Joe Biden dhe ai brazilian Luiz Inacio Lula da Silva i bënë thirrje të qeverisë së Venezulës të bëjë publike të dhëna të detajuara të votimeve për zgjedhjet presidenciale.
/abcnews.al
