Trazirat që shpërthyen natën e së mërkurës së kaluar në një burg në Guayaquil, nga i cili u arratis në janar një udhëheqës i fuqishëm bande i njohur me pseudonimin “Fito”, rreziku numër 1 publik i Ekuadorit rezultoi në vdekjen e të paktën dy personave dhe plagosjen e 4 të tjerëve.
#Ecuador | Riot breaks out in Guayaquil's 4th regional prison. For hours, President Daniel Noboa's administration did not provide any information about what was happening. pic.twitter.com/8xisNKunn4
— teleSUR English (@telesurenglish) March 28, 2024
Nënsekretari i sigurisë Lionel Calderon për rrjetin Teleamazonas, nuk specifikoi nëse viktimat përfshinin anëtarë të forcave të sigurisë. Videot e postuara në rrjete sociale tregojnë të burgosurit duke u vënë zjarrin dyshekëve për shkak të keqtrajtimeve në burg.
Kreu i bandës më të fuqishme të vendit, Jose Adolfo Macia, ose “Fito”, u arratis nga burgu i Guayaquil (në jugperëndim) më 7 janar dhe ende është në arrati.
Ai vuante dënimin me 34 vjet për pjesëmarrje në krim të organizuar, trafik droge dhe vrasje.
Arratisja e “Fitos” u pasua nga trazira në disa burgje ekuadoriane dhe një rritje e dhunës së bandave në rrugë, shpërthime bombash, vrasje dhe madje edhe persona të armatosur të maskuar që sulmuan një studio televizive gjatë një transmetimi të drejtpërdrejtë.
The prison riot that occurred on Wed night at the #Guayaquil Social Rehabilitation Center has left three prisoners dead & six injured, reported the National Service for Comprehensive Care for Adults Deprived of Liberty & Adolescent Offenders (SNAI) of #Ecuador.#Update
After… pic.twitter.com/j6OlwEfhGM— ⚡️? World News ?⚡️ (@ferozwala) March 29, 2024
Për të vënë situatën nën kontroll, presidenti i krahut të djathtë të Ekuadorit Noboa shpalli gjendjen e jashtëzakonshme dhe “luftë” ndaj bandave, duke vendosur në gatishmëri 20,000 anëtarë të forcave të armatosura.
/abcnews.al
